(ژباړه)

خبر:

د پاکستان بهرنیو چارو وزارت د ۲۰۲۴م کال د اپریل په ۱۶مه د پاکستان او سعودي د بهرنیو چارو وزیرانو د لیدنې په اړه بیانیه خپره کړه؛ په یاده بیانیه کې راغلي: «دواړو لورو په منځني ختیځ کې د وضعیت کړکیچن کېدو په تړاو اندیښنه وښوده او ټینګار يې وکړ چې په غزه کې د نښتو درول او د اسرایلو جنایتونو ته د پای ټکی ایښودل یوه جدي او بیړنۍ اړتیا ده.» [mofa.gov.pk]

تبصره:

د جګړې درول به هېڅکله د فلسطین د ازادۍ لامل نه شي؛ بلکې له دې سره به د فلسطین لا ډېرې سیمې اشغالګرو یهودو ته تسلیم شي؛ هغه یهود چې له الله سبحانه وتعالی، رسول صلی الله علیه وسلم او مومنانو سره خپلې دښمنۍ ته دوام ورکوي. اسلامي امت دا واقعیت درک کړی او د اشغال د کمزوري کولو لپاره به خپله ټوله هڅه وکړي. لکه څنګه چې د یهودو د وحشي بریدونو پر وړاندي د اسلامي امت سمدستي غبرګون دا و چې د یهودو ملاتړو شرکتونو د تولیداتو استعمال يې منع کړ. اوس ورو ورو د نړۍ مسلمانان له خپلو پوځونو غواړي چې غزې ته نصرت ورکړي او د ازادولو لپاره یې لاس په کار شي. مسلمانان دا غوښتنه پداسې حال کې کوي چې پر اسلامي خاورو حاکم چارواکي پوځونو ته هېڅکله اجازه نه ورکوي چې له ملي پولو او دولت-ملت اخوا لاړ شي او کوم فعالیت وکړي؛ مګر دا چې استعامګر غربي دولتونه یې ورسره ومني یا یې امر ورته وکړي.

خو د یهود پلوه شرکتونو له تولیداتو سره د بایکاټ کمپاین له پیله بریالی و؛ د پاکستان مشهورې انګلیسي ژبې ورځپاڼې «ډاون» د ۲۰۲۳م کال د ډسمبر په ۳مه تر «له غربي تولیداتو سره بایکاټ د کورنيو تولیداتو د غوړیدا لامل شوی» سرلیک لاندې یو راپور خپور کړ. د یاد راپور پر بنسټ، په همدې تړاو د پاکستان په ۱۲ لویو ښارونو کې سروې شوې وه، د سروې په ګډونوالو کې له لسو څخه ۸ تنو يې د څو ملیتي او غربي شرکتونو پر تولیداتو بندیز سره موافقه کړې وه. د یادو لسو کسانو له ډلې ۷ تنو یې ویلي و چې دغه بایکاټ یې عملاً پیل کړی دی. د یادولو ده چې د بایکاټ دغه کمپاین لا هم ډیر ښه روان دی. پوښتنه داده چې دغه کار څنګه وشو؟ میندې او محصلان له دغه کمپاینه ملاتړ کوي او مسلمانان پرلپسې هڅه کوي چې د ټولنیزو شبکو له لارې د دغه بایکاټ د ارزښت په اړه د خلکو پوهاوی لوړ کړي؛ تر دې چې انلاین سوداګریزو چینلونو ته ننوځي او مسلمانان هڅوي چې له دغه بایکاټ سره یوځای شي؛ دوی وايي چې که خدای کول دا بایکاټ به د بریا کلۍ وي.

خو د اسلامي امت له پوځونو د نصرت غوښتنه تر هغه واجب ده چې څو د مسلمانانو پوځونه په حرکت نه وي راغلي. نو د پاکستان، مصر، اردن، ترکيې، ایران او اندونیزیا مسلمانان مکلف دي چې له خپلو پوځونو په وار وار وغواړي چې د غزې د نصرت لپاره لاس په کار شي. موږ مکلف یو چې د پوځونو د تیاري او دخالت په اړه د خلکو پوهاوی لوړ کړو. په پوځ کې له خپلو ملګرو او خپلوانو سره ووینو او ټینګار پرې وکړو چې د الله سبحانه وتعالی پر وړاندي خپل شرعي مکلفیت ته متوجه شي او هغوی ته وریاده کړو چې مظلومانو ته نصرت ورکول او د اقصی جومات ازادول څومره ارزښت لري. باید دوی ته وریاد کړو چې د انبیاء علیهم السلام د خاورې ازادول څومره اجر او ثواب لري؛ باید پوه یې کړو چې په دنیا کې د ټول امت د خیر دعا ورسره ده او په اخرت کې یې پریمانه اجر او ثواب په برخه دی.

خپلو پوځونو ته باید دا تذکر هم ورکړو چې که دغه د بې پروایۍ حالت ته دوام ورکړي او د فلسطین د ازادۍ لپاره لاس په کار نه شي، هرو مرو به د الله سبحانه وتعالی له غضب او عذاب سره مخ شي. موږ باید هغوی پرلپسې وهڅوو چې دغه غوښتنه استجابت کړي؛ دې ته پام ونه کړو چې د هغوی غبرګون به څه وي. رسول الله صلی الله علیه وسلم هغه خلک چې د جګړې وس یې دردلود په وار وار د خپلو مسولیتونو ترسره کولو ته متوجه کول او په ترې غوښتل یې چې اسلام ته نصرت ورکړي؛ که څه هم د هغه صلی الله علیه وسلم غوښتنه ډېر ځله رد شوه؛ خو هغه صلی الله علیه وسلم نهیلی نه شو، تر دې چې اوس او خزرج قبیلو نصرت ورکړ. بې له شکه چې د پوځونو د بسیج لپاره د بریا یوازنۍ کلۍ پر الله توکل، صبر او استقامت دی او موږ باید له خپلو پوځونو وغواړو چې ژر تر ژره د غزې د ازادولو او نصرت لپاره ګام پورته کړي.

موږ باید له خپلو پوځونو وغواړو چې ژر تر ژره هغه حکام له واکه لرې کړي چې د فلسطین پر لور د دوی د خوځښت مخه نیسي او په دې توګه د غربي مزدورو حاکمیتونو پرځای د خلافت دولت تاسیس کړي. هغوی باید د راشده خلیفه تر رهبرۍ لاندي د غزې پر لور حرکت وکړي او د ظالمانو له منګولو یې خلاصه کړي. باید پوه شو چې الله سبحانه وتعالی هېڅکله زموږ هڅې نه ضایع کوي. هغه سبحانه وتعالی فرمایي:

﴿وَاصْبِرْ فَاِنَّ اللهَ لاَ يُضِيعُ أَجْرَ الْمُحْسِنِينَ﴾ [هود: ۱۱۵]

ژباړه: «او صبر وكړه؛ (ځکه) په رښتیا چې الله د نېكانو اجر نه ضایع کوي.»

د حزب التحریر مرکزي مطبوعاتي دفتر ته

شهزاد شیخ – ولایه پاکستان

۱۴۴۵هـ.ق کال، د شوال ۱۱مه

۲۰۲۴م کال، د اپریل ۲۰مه